Ég hef sent inn erindi til bæjarins með að bjóða upp á að hægt sé að komast í líkamsræktina allan sólahringinn. Þá verður hurðin sem er að neðanverðu út úr ræktinni útbúin með læsingu, þannig að fólk getur komist þar inn með lykilkorti. Ekki verður hægt að fara í sturtu í þessum fyrsta áfanga (millihurðin verður læst), en ef þetta gengur vel og ekkert verður um vesen, þá munum við í framtíðinni reyna að sækja um að við komumst í sturtuna líka.
Stórt hlutfall vinnandi fólks er á vöktum og getur þ.a.l. ekki nýtt sér núverandi opnunartíma nema að hluta. Sem dæmi eru vaktaskipti í álverinu og fyrirtækjum tengdum álverinu einmitt klukkan átta á kvöldin en þá er íþróttamiðstöðinni að loka. Sömuleiðis er lokað á milli 09-13 á virkum dögum og þ.a.l. geta þeir sem eru að klára vakt klukkan 08:00 að morgni ekki nýtt sér ræktina á morgnana. Auk þess opnar ekki fyrr en klukkan 13:00 um helgar en margir myndu eflaust vilja fara fyrir þann tíma.
This content is created by the open source Your Priorities citizen engagement platform designed by the non profit Citizens Foundation